Leyfisskilmálar í boði nágranna okkar á Bretlandi

Stór áfangi náðist um daginn þegar við fengum leyfi til að byggja á leyfisskilmálum Breta fyrir opin gögn.

Við sendum eftirfarandi beiðni:

I contact you on behalf of the Icelandic government which intends to publish its data as open data similarly to the UK government. We are currently looking into licensing issues and we are aware of the clear and well authored Open Government License, which is why we are contacting you. We are interested in using an adapted version for open government data in Iceland and contact you as the copyright holders to request your permission to translate and adapt the OGL and create an Icelandic version. Utmost care will be taken in the adaptation of the license and our legal experts will verify that our adapted version complies with both the intention of the license and Icelandic law. We will of course attribute the UK version in our version.

… og svarið:

Dear Gudbjorg Sigurdardottir,

Thank you for your email enquiry dated March 13th, 2013.  I can confirm that you may adapt translate and re-use the UK Open Government Licence for the purposes of creating an Icelandic version of the OGL to enable the re-use of Icelandic  government data.  We should be grateful if you acknowledged The National Archives of UK Government as being the creator of the original version.

If you need further information or would like to speak to me about the Open Government Licence, please feel free to get back to me or to telephone, and we will be happy to assist you further.

With best regards
Judy Nokes
Information Policy Adviser

Lögfræðingar hafa farið yfir þýðinguna og við erum því komin með skilmála sem má nota til að birta tilnefnd gagnasöfn vinnuhópsins.

Tillaga að CSV skjalasniði

Það er ágætis gangur í vinnunni hjá okkur og við erum að einbeita okkur að leyfisskilmálum og sniði gagna þessa dagana.

Gagnapakkarnir sem við erum að vinna með eru annarsvegar tekjur og gjöld eftir hagrænni skiptingu og svo hinsvegar ársfjórðungsyfirlit fjársýslunnar.

Okkur þótti við hæfi að birta fyrstu tillögu að uppsetningu CSV skráarsniðs hér á vefnum og opna fyrir umræðu um hvort hér sé eitthvað sem megi bæta.

Við leggjum til að upplýsingar um tekjur og gjöld eftir hagrænni skiptingu verði birt mánaðarlega á eftirfarandi sniði:

Hér er svo upprunalega Excel skjalið til samanburðar.

Okkur þætti vænt um að fá athugasemdir við þessa uppsetningu frá þeim sem hefðu hug á að vinna áfram með þessi gögn í framtíðinni.

Fyrsta fundi vinnuhópsins lokið

Í dag hittumst við og fórum yfir markmiðin fyrir næstu tvo mánuði. Við ræddum hvaða verkefni væru framundan og hvernig væri best að forgangsraða málum.

Dagskrá fundarins miðaðist við að skilgreina ferli til að opna gögn, skoða hvaða tækni er í boði og hvað nágrannalönd okkar hafa verið að gera í þessum málum.

Eftirfarandi glærur taka á helstu punktum sem ræddir voru á fundinum.

Við ákváðum að tilnefna ríkisreikning fjársýslunnar sem fyrsta gagnasafnið, vinna út frá því að gögnin verði vistuð hjá Island.is og skoða betur CKAN lausnina sem framtíðar tækniumhverfi.

Opið

Þessi vefur er settur upp sem opinn vettvangur starfshóps sem mun vinna að því að birta fjárhagsupplýsingar ríkisins. Hér munum við birta upplýsingar sem verða til á meðan hópurinn starfar. Í anda verkefnisins þá munum við hvetja til opinnar umræðu og óska eftir hugmyndum sem geta hjálpað okkur við að leysa það vel af hendi.

Hér er skipunarbréfið sem við fengum frá Katrínu Júlíusdóttur í vikunni:

Opin stjórnsýsla hefur þróast hratt undanfarin ár. Í nágrannalöndum Íslands, sem og hérlendis, hafa væntingar farið vaxandi um að meira verði birt af gögnum sem liggja fyrir hjá hinu opinbera en gert hefur verið fram til þessa.

Ákveðið hefur verið að stofna starfshóp fjármála- og efnhagsráðherra og forsætisráðherra um opin gögn, sem vinna á að því að birta fjárhagsupplýsingar ríkisins. Miðað er við að hópurinn ljúki störfum fyrir 15. mars 2013. Þér eruð hér með skipaður formaður hópsins.

Starfshópnum eru falin þau verkefni að tilefna gagnasöfn sem verða gerð opinber, tilgreina mörk, svo sem ákveðnar fjárhæðir sem miðað skuli við, tilgreina hversu oft gögnin verða uppfærð, velja leyfisskilmála sem gögnin verða gefin út undir, skilgreina á hvaða sniði og með hvaða tækni gögnin verða gerð aðgengileg, fjalla um möguleika á endurnotkun gagna sem opnuð verða og kanna hver reynsla annarra ríkja er af því að opna gögn.

Helstu rök fyrir því að opna aðgang að gögnum sem í dag eru ekki aðgengileg milliliðalaust eru gegnsæi, þátttaka almennings og aukið traust, sjálfsafgreiðsla á fyrirspurnum, hagræðing í opinberri stjórnsýslu og mat á áhrifum aðgerða, nýsköpun og ný þekking sem fæst með samkeyrslu umfangsmikilla gagnasafna og umbætur í þjónustu og vöruframboði einkaaðila

Starfshópurinn er þannig skipaður:

Finnur Pálmi Magnússon, sérfræðingur í upplýsingatækni, formaður án tilnefningar, Björn Sigurðsson, vefstjóri, tilnefndur af forsætisráðherra, Rebekka Rán Samper, verkefnastjóri, tilnefnd af Island.is, Elva Björk Sverrisdóttir, upplýsingafulltrúi, tilnefnd af fjármála- og efnahagsráðherra, Guðbjörg Sigurðardóttir, skrifstofustjóri, tilnefnd af innanríkisráðherra, Pétur Jónsson, sérfræðingur, tilnefndur af Fjársýslu ríkisins, Þórlaug Ágústsdóttir, sérfræðingur í upplýsingatækni, tilnefnd af fjármála- og efnahagsráðherra. Starfsmaður hópsins er Helgi Hjálmtýsson, vefstjóri fjármála- og efnahagsráðuneytisins.